Noor-e-Quran 30 Talaq do martaba hai!

 Talaq do martaba hai, phir ya to qaa’ide ke mutabiq rok lena hai ya achhe tariqe se rukhsat kar dena hai aur tumhare liye yeh halal nahi ke tum us mein se kuch bhi wapas lo jo tum un auraton ko de chuke ho magar is surat mein ke dono ko khauf ho ke woh Allah ki hudood ko qaim nah rakh sakein ge, to agar tum khauf mehsoos karo ke woh dono Allah ki hudood ko qaim nah rakh sakein ge to un dono par koi gunah nahi us maal mein jis ko aurat fidiyah mein de. Yeh Allah ki hadain hain to un se tajawuz mat karo aur jo Allah ki hudood se tajawuz kare ga to wohi log zalim hain. (229) Pas agar woh us ko talaq de de to woh us ke baad us ke liye halal nah hogi yahan tak ke woh us ke siwa kisi doosre shohar se nikah kar le, phir agar woh shakhs us ko talaq de de to un dono par koi gunah nahi ke woh aapas mein rujoo kar lein agar woh tawaqqo rakhte hon ke dono Allah ki hudood ko qaim rakh saken ge, aur yeh Allah ki hudood hain jinhen woh un logon ke liye bayan karta hai jo ilm rakhte hain. (230) Aur jab tum apni auraton ko talaq do, phir woh apni muddat ko pahunch jaien to un ko qaa’ide ke mutabiq rok lo ya qaa’ide ke mutabiq chhor do, aur tum un ko takleef pahunchane ke irade se nah roko ke tum ziyadti karo, aur jis kisi ne aisa kiya to us ne apni hi jaan par zulm kiya aur Allah ki aayaat ko mazaq nah banao, aur yaad karo apne oopar Allah ki ne’mat ko aur us kitab w hikmat ko jo us ne tum par naazil kiya hai, woh is ke zariye tumhen naseehat karta hai, aur Allah se daro aur jaan lo ke beshak Allah har cheez ko khoob janne wala hai. (231)

Surah: Baqarah .... Ruku': 29 .... Aayat: 229- 231 .... Parah: 2
Talaq ka bayan guzishta ruku' se shuru hua hai. Is ruku' ke baad mazed do ruku' mein is se mutalliq deegar hidayaat hain. Is ke ilawa bhi Quran Majeed mein kai jaghon par is talluq se hidayat aur naseehat mojood hai, balki ek surah bhi isi unwaan se Quran Majeed ke 28vein pare mein mojood hai. Goya aaili zindagi aur khandani nizam se mutalliq koi bhi pehlu Quran ne chhora nahi hai, wajah zahir hai ke har insaan nikah karta hai aur us ko mukhtalif halaton ka samna bhi karna parta hai. Quran jo qanoon, hikmat aur hidayat ki kitab hai woh insanon ko un ki zindagi ke tamam ahem muamlaat mein rehnumai farahem karta hai.
Yeh baat pichle ruku' mein aa chuki hai ke talaq koi mazaq nahi hai aur aage yeh baat bhi aa rahi hai ke nikah koi bachchon ka khel nahi hai. Nikah aur talaq ki ahmiyat isi tarah hai jis tarah zindagi aur maut ki ahmiyat hai. Nikah kisi bhi insaan ke liye ek nai balki us ki apni asli zindagi ki shuruaat hoti hai. Jab Allah insaan ko paida karta hai to us ko ek khandan ata karta hai jahan us ke maan baap, behan bhai aur deegar nasbi rishtedar hote hain jo us ko ek achcha insaan banne mein madad karte hain aur jab woh mukammal aadmi ban jata hai to nikah ke zariye us ki apni zindagi shuru hoti hai jahan us ko shohar aur baap ban kar ya biwi aur maan ban kar insani taareekh mein apna kirdaar ada karna hota hai. Rahi baat talaq ki to woh ek aisa haadsa hai jo kisi bhi insaan ko chahe mard ho ya aurat ek aisi aafat se dochar karta hai jise koi bhi shauq se dawat nahi deta aur bahalat majboori usi tarah qubool karta hai jis tarah woh maut ko qubool karne par majboor hota hai.
Ab agar kisi ko talaq jaisi surat e haal ka samna karna pare to woh is marhale se izzat w sahulat ke sath kaise guzar sakta hai, Allah ne apne bandon ko is ke liye hidayaat de di hain. Is ruku' ke aakhir mein yeh baat bata di gayi hai ke jo bhi Allah se darte huye Us ki hidayat ke mutabiq talaq ke mamle se guzre ga us ke liye Allah ki rehmat se is haadse ko bardasht karna aasan ho jaye ga.
Talaq beharhal maut nahi hai ke is se rujoo na-mumkin ho, isi liye Allah ne elan farmaya hai ke tum do martaba talaq de kar rujoo kar sakte ho. Agar aurat nikah torna chahe to fidiyah ke zariye bhi khula hasil kar sakti hai. Phi jab miyan biwi talaq ke aakhri marhale tak pahunch jate hain to ab wapsi lag bhag na-mumkin ho jati hai ke darmiyan mein yeh shart aaid kar di gayi hai ke ab mutallaqa aurat kisi aur ke aqd e nikah mein rahe gi. Haan agar woh kisi wajah se phir se mutallaqa ho jaye to un donon ke liye wapsi ka darwaza khul jaye ga lekin yeh sab usi tarah hoga jis tarah Allah ne bayan kiya hai nah ke us ki khatir koi chor darwaza ikhtiyar kiya jaye ga. Jo log talaq ko mazaq banainge aur Allah ke qanoon se khilwar ki koshish karenge woh zaroor Allah ki janib se duniya w akhirat donon jaghon par azab aur saza ke mustahiq honge.٭

By: Dr. N. Sabah Ismail (Nadvi Alig)
(10 March 2024)

طلاق دو مرتبہ ہے! نورِ قرآن 30

 

طلاق دو مرتبہ ہے ، پھر یا تو قاعدے کے مطابق روک لینا ہے یا اچھے طریقے سے رخصت کر دینا ہے اور تمہارے لئے یہ حلال نہیں کہ تم اس میں سے کچھ بھی واپس لو جو تم ان عورتوں کو دے چکے ہو مگر اس صورت میں کہ دونوں کو خوف ہو کہ وہ اللہ کی حدود کو قائم نہ رکھ سکیں گے، تو اگر تم خوف محسوس کرو کہ وہ دونوں اللہ کی حدود کو قائم نہ رکھ سکیں گے تو ان دونوں پر کوئی گناہ نہیں اس مال میں جس کو عورت فدیہ میں دے۔ یہ اللہ کی حدیں ہیں تو ان سے تجاوز مت کرو اور جو اللہ کی حدود سے تجاوز کرے گا تو وہی لوگ ظالم ہیں۔ (229) پس اگر وہ اس کو طلاق دے دے تو وہ اس کے بعد اس کے لئے حلال نہ ہو گی یہاں تک کہ وہ اس کے سوا کسی دوسرے شوہر سے نکاح کرلے ، پھر اگر وہ شخص اس کو طلاق دے دے تو ان دونوں پر کوئی گناہ نہیں کہ وہ آپس میں رجوع کر لیں اگر وہ توقع رکھتے ہوں کہ دونوں اللہ کی حدوں کو قائم رکھ سکیں گے، اور یہ اللہ کی حدود ہیں جنہیں وہ ان لوگوں کے لیے بیان کرتا ہے جو علم رکھتے ہیں۔ (230) اور جب تم اپنی عورتوں کو طلاق دو، پھر وہ اپنی مدت کو پہنچ جائیں تو ان کو قاعدے کے مطابق روک لو یا قاعدے کے مطابق چھوڑ دو، اور تم ان کو تکلیف پہنچانے کے ارادے سے نہ روکو کہ تم زیادتی کرو، اور جس کسی نے ایسا کیا تو اس نے اپنی ہی جان پر ظلم کیا اور اللہ کی آیات کو مذاق نہ بناؤ، اور یاد کرو اپنے اوپر اللہ کی نعمت کواور اس کتاب و حکمت کو جو اس نے تم پر نازل کیا ہے، وہ اس کے ذریعہ تمہیں نصیحت کرتا ہے، اور اللہ سے ڈرو اور جان لو کہ بے شک اللہ ہر چیز کو خوب جاننے والا ہے۔ (231)
سورہ : بقرہ .... رکوع: 29 .... آیت: 229- 231 .... پارہ: 2
طلاق کا بیان گزشتہ رکوع سے شروع ہوا ہے۔ اس رکوع کے بعد مزید دو رکوع میں اس سے متعلق دیگر ہدایتیں ہیں۔ اس کے علاوہ بھی قرآن مجید میں کئی جگہوں پر اس تعلق سے ہدایتیں اور نصیحتیں موجود ہیں بلکہ ایک سورہ بھی اسی عنوان سے قرآن مجید کے ۲۸ویں پارے میں موجود ہے۔ گویا عائلی زندگی اور خاندانی نظام سے متعلق کوئی بھی پہلو قرآن نے چھوڑا نہیں ہے، وجہ ظاہر ہے کہ ہر انسان نکاح کرتا ہے اور اس کو مختلف حالتوں کا سامنا بھی کرنا پڑتا ہے۔ قرآن جو قانون، حکمت اور ہدایت کی کتاب ہے وہ انسانوں کو ان کی زندگی کے تمام اہم معاملات میں رہنمائی فراہم کرتا ہے۔
یہ بات پچھلے رکوع میں آچکی ہے کہ طلاق کوئی مذاق نہیں ہے اور آگے یہ بات بھی آرہی ہے کہ نکاح کوئی بچوں کا کھیل نہیں ہے۔ نکاح اور طلاق کی اہمیت اسی طرح ہے جس طرح زندگی اور موت کی اہمیت ہے۔ نکاح کسی بھی انسان کیلئے ایک نئی بلکہ اس کی اپنی اصلی زندگی کی شروعات ہوتی ہے۔ جب اللہ انسان کو پیدا کرتا ہے تواس کو ایک خاندان عطا کرتا ہے جہاں اس کے ماں باپ، بہن بھائی اور دیگر نسبی رشتہ دار ہوتے ہیں جو اس کو ایک اچھا انسان بننے میں مدد کرتے ہیں اورجب وہ مکمل آدمی بن جاتا ہے تو نکاح کے ذریعہ اس کی اپنی زندگی شروع ہوتی ہے جہاں اس کو شوہر اورباپ بن کر یا بیوی اور ماں بن کر انسانی تاریخ میں اپنا کردار ادا کرنا ہوتا ہے۔ رہی بات طلاق کی تو وہ ایک ایسا حادثہ ہے جو کسی بھی انسان کو چاہے مرد ہو یا عورت ایک ایسی آفت سے دوچار کرتا ہے جسے کوئی بھی شوق سے دعوت نہیں دیتا اور بحالت مجبوری اسی طرح قبول کرتا ہے جس طرح وہ موت کو قبول کرنے پر مجبور ہوتا ہے۔
اب اگر کسی کو طلاق جیسی صورت حال کا سامنا کرنا پڑے تو وہ اس مرحلہ سے عزت و سہولت کے ساتھ کیسے گزر سکتا ہے، اللہ نے اپنے بندوں کو اس کیلئے ہدایتیں دے دی ہیں۔ اس رکوع کے اخیر میں یہ بات بتادی گئی ہے کہ جو بھی اللہ سے ڈرتے ہوئے اس کی ہدایت کے مطابق طلاق کے معاملہ سے گزرے گا اس کیلئے اللہ کی رحمت سے اس حادثہ کو برداشت کرنا آسان ہوجائے گا۔
طلاق بہرحال موت نہیں ہے کہ اس سے رجوع ناممکن ہو، اسی لئے اللہ نے اعلان فرمایا ہے کہ تم دو مرتبہ طلاق دے کر رجوع کرسکتے ہو۔ اگر عورت نکاح توڑنا چاہے تو فدیہ کے ذریعہ بھی خلع حاصل کرسکتی ہے۔ پھر جب میاں بیوی طلاق کے آخری مرحلے تک پہنچ جاتے ہیں تو اب واپسی لگ بھگ ناممکن ہوجاتی ہے کہ درمیان میں یہ شرط عائد کردی گئی ہے کہ اب مطلقہ عورت کسی اور کے عقد نکاح میں رہے گی۔ ہاں اگر وہ کسی وجہ سے پھر سے مطلقہ ہوجائے تو ان دونوں کیلئے واپسی کا دروازہ کھل جائے گا لیکن یہ سب اسی طرح ہوگا جس طرح اللہ نے بیان کیا ہے نہ کہ اس کی خاطر کوئی چور دروازہ اختیار کیا جائے گا۔ جو لوگ طلاق کو مذاق بنائیں گے اور اللہ کے قانون سے کھلواڑ کی کوشش کریں گے وہ ضرور اللہ کی جانب سے دنیا و آخرت دونوں جگہوں پر عذاب اور سزا کے مستحق ہوں گے ۔٭
از: ڈاکٹر صباح اسماعیل ندوی علیگ
(8 مارچ 2024 )

Noor-e-Quran 29 Aailee Masail Ka Bayan

 Aur woh tum se sawal karte hain haiz ke bare mein, keh do ke woh aziyat hai, to haiz ke dino mein auraton se alag raho aur un se qurbat na karo jab tak woh paak na ho jayein, phir jab woh achi tarah paak ho jayein to un ke paas aao jahan se Allah ne tumhein hukm diya hai, be shak Allah mahboob rakhta hai bohat tauba karne walon ko aur mahboob rakhta hai paakeezgi ikhtiyar karne walon ko. (222) Tumhari auratein tumhare liye bamanzilah kheti hain, to apni kheti mein aao jis tarah tum chaho aur apne liye aage barhao aur Allah se darte raho aur khoob jaan lo ke tum zaroor Us se mulaqat karne wale ho, aur iman walon ko khush-khabri de do. (223) Aur Allah ko apni aisi qasmon ke liye aarr na banao ke tum bhalai na karoge, parhezgari na karoge aur logon ke darmiyan sulah na karoge. Aur Allah sab sunne wala, sab janne wala hai. (224) Allah tum se tumhari lagho qasmon ke bare mein koi muakhza nahi kare ga, lekin woh tum se tumhari un qasmon ke bare mein zaroor muakhza kare ga jin ka irada tumhare dilon ne kiya hai. Aur Allah bohat bakshne wala, nihayat burdbaar hai. (225) Un logon ke liye jo apni auraton se na milne ki qasam kha baithein chaar mahine ki mohlat hai, chunancha agar woh rujoo kar lein to be shak Allah bohat bakshne wala, nihayat reham karne wala hai. (226) Aur agar woh talaq dene ka pakka irada kar lein to be shak Allah sab sunne wala, sab janne wala hai. (227) Aur talaq yafta auratein apne aap ko teen aiyaam e haiz tak roke rakhein aur un ke liye jaiz nahi ke woh us ko chhupayein jis ko Allah ne un ke rehmon mein paida kiya hai, agar woh iman rakhti hain Allah par aur aakhirat ke din par, aur un ke shauhar is doran mein unhein wapas lene ke zyada haqdar hain agar woh islah ka irada rakhte hon. Aur auraton ke liye waise hi haqooq hain jaise un ke oopar haq hai maroof ke mutabiq, aur mardon ko un par ek darja haasil hai aur Allah bohat ghalib, badi hikmat wala hai. (228)

Surah: Baqarah .... Rukoo: 28 .... Ayat: 222-228 .... Para: 2
Guzishta ruku' ki tarah is ruku' mein bhi kai ahem masail ki taraf tawajjuh dilai gayi hai aur saaf lafzon mein un se mutalliq hidayaat di gayi hain. Is mein koi shak nahi ke har insaan mukhtalif aailee, samaji, mu'ashi aur mu'ashrati masail se ulajhta rehta hai. Allah Ta'ala ne apne bandon ko in tamam bunyadi masail se niptne ke liye hidayaten de di hain taake woh apne masail ka behtareen hal nikal sakin aur shaitan ke chakkar mein pad kar apni zindagi ko musibaton ki aamajgah na bana lein. Magar yeh baat beharhal zehan nasheen rakhni chahiye ke Quran in ko aise aam usool batata hai jo har ek ke liye apne undar rehnumai rakhte hain. Masaailon ki tafseel samajhne ke liye hamare samne hamare Nabi ﷺ ka uswah aur un ki sunnat maujood hai, aur phir baad mein logon ne un ko mazeed samajhne aur un ki tafseelat pesh karne ki bhi mukhtalif koshishen ki hain.

Yahan is ruku' mein ayyam haiz mein mard o zan ke ta'alluqat, roohani o jismani paakeezgi tauba aur taharat ki ahmiyat, saleh insani mu'ashrah mein nikah ki zaroorat, Allah ke naam ka bahana bana kar salah o falah ke kamon se farar ki haqeeqat, Eilaa yani kisi ka qasam kha kar yeh kehna ke woh apni biwi se alag rahega, kisi ka sach much talaq ka iradah karna aur phir kisi aurat ka talaq ke baad doosri shadi se lag bhag teen mah tak ruke rehne ki zaroorat par wazahat ke sath roshni dali gayi hai. Baat samajhne aur maanne walon ke liye itni baat kaafi hai, mazeed tafseelat ke talib fiqh ki kitabein dekh sakte hain.

Allah Ta'ala ne yahan biwi ke liye kheti ki misal bayan ki hai. Kheti ki qeemat, zaroorat aur ahmiyat se har kisan achchi tarah waaqif hota hai. Woh kisan ki aisi qeemti cheez hoti hai jis ki hifazat ke liye woh apni zindagi bhi daav par laga deta hai. Kisan ki zindagi ka dar o madar kheti par hi hota hai. Woh is ka puri tarah khayal rakhta hai. Kab is mein beej dalna hai, kab hal chalana hai, kab kheton mein pani dalna hai woh kabhi is se ghaafil nahi rehta hai. Phir jab is mein anaj ugta hai to woh lagataar is ki nigrani o nigehbani karta hai aur is ko har sard o garm se mehfooz rakhta hai. Goya kheti hi us ke liye sab kuch hoti hai aur woh duniya ki har cheez se zyada is ka khayal rakhta aur is se mohabbat karta hai. Ek insaan ki zindagi mein aisi hi qeemti shay us ki biwi hoti hai aur us ka khayal rakhna, usey har takleef se mehfooz rakhna aur us ki tamam zarooraton ko khushi khushi poora karna is par laazim hota hai. Jo log itni si baat nahi samajhte aur apni biwi ko roohani o jismani aziyet dete hain un ki zindagi jahannam ban kar reh jati hai. Allah chahta hai ke insaan ko is duniya mein hi jannat jaisi khushiyan milein, ise jahannam jaisi musibaton aur takleefon ka samna nah karna pare.٭

By: Dr. N Sabah Ismail (Nadwi Alig)
(3rd March 2024) 

عائلی مسائل کا بیان نورِ قرآن 29

 

اور وہ تم سے سوال کرتے ہیں حیض کے بارے میں، کہہ دو کہ وہ اذیت ہے، تو حیض کے دنوں میں عورتوں سے الگ رہو اور ان سے قربت نہ کرو جب تک وہ پاک نہ ہو جائیں، پھر جب وہ اچھی طرح پاک ہوجائیں تو ان کے پاس آؤ جہاں سے اللہ نے تمہیں حکم دیا ہے، بے شک اللہ محبوب رکھتا ہے بہت توبہ کرنے والوں کو اور محبوب رکھتا ہے پاکیزگی اختیار کرنے والوں کو۔ (222) تمہاری عورتیں تمہارے لئے بمنزلہ کھیتی ہیں ، تو اپنی کھیتی میں آؤ جس طرح تم چاہو اور اپنے لئے آگے بڑھاؤ اور اللہ سے ڈرتے رہو اور خوب جان لو کہ تم ضرور اس سے ملاقات کرنے والے ہو، اور ایمان والوں کو خوش خبری دے دو۔ (223) اور اللہ کو اپنی ایسی قسموں کیلئے آڑ نہ بناؤ کہ تم بھلائی نہ کروگے، پرہیزگاری نہ کروگے اور لوگوں کے درمیان صلح نہ کراؤ گے۔ اور اللہ سب سننے والا، سب جاننے والا ہے۔ (224) اللہ تم سے تمہاری لغو قسموں کے بارے میں کوئی مؤاخذہ نہیں کرے گا ، لیکن وہ تم سے تمہاری ان قسموں کے بارے میں ضرور مؤاخذہ کرے گا جن کا ارادہ تمہارے دلوں نے کیا ہے۔ اور اللہ بہت بخشنے والا، نہایت بردبار ہے۔ (225) ان لوگوں کے لئے جو اپنی عورتوں سے نہ ملنے کی قسم کھا بیٹھیں چار مہینے کی مہلت ہے، چنانچہ اگر وہ رجوع کر لیں تو بے شک اللہ بہت بخشنے والا، نہایت رحم کرنے والا ہے۔ (226) اور اگر وہ طلاق دینے کا پکا ارادہ کرلیں تو بے شک اللہ سب سننے والا، سب جاننے والا ہے۔ (227) اور طلاق یافتہ عورتیں اپنے آپ کو تین ایام ِحیض تک روکے رکھیں اور ان کے لیے جائز نہیں کہ وہ اس کو چھپائیں جس کو اللہ نے ان کے رحموں میں پیدا کیا ہے، اگر وہ ایمان رکھتی ہیں اللہ پر اور آخرت کے دن پر، اور ان کے شوہر اس دوران میں انہیں واپس لینے کے زیادہ حق دار ہیں اگر وہ اصلاح کا ارادہ رکھتے ہوں۔ اور عورتوں کیلئے ویسے ہی حقوق ہیں جیسے ان کے اوپر حق ہے معروف کے مطابق، اور مردوں کو ان پر ایک درجہ حاصل ہے اور اللہ بہت غالب، بڑی حکمت والا ہے۔ (228)
سورہ : بقرہ .... رکوع: 28 .... آیت: 222- 228 .... پارہ: 2
گزشتہ رکوع کی طرح اس رکوع میں بھی کئی اہم مسائل کی طرف توجہ دلائی گئی ہے اور صاف لفظوں میں ان سے متعلق ہدایات دی گئی ہیں۔ اس میں کوئی شک نہیں کہ ہر انسان مختلف عائلی، سماجی، معاشی اور معاشرتی مسائل سے الجھتا رہتا ہے۔ اللہ تعالیٰ نے اپنے بندوں کو ان تمام بنیادی مسائل سے نمٹنے کیلئے ہدایتیں دے دی ہیں تاکہ وہ اپنے مسئلوں کا بہترین حل نکال سکیں اور شیطان کے چکر میں پڑکر اپنی زندگی کو مصیبتوں کی آماجگاہ نہ بنالیں۔ مگر یہ بات بہرحال ذہن نشین رکھنی چاہئے کہ قرآن ان کو ایسے عام اصول بتاتا ہے جو ہر ایک کیلئے اپنے اندر رہنمائی رکھتے ہیں۔ مسئلوں کی تفصیل سمجھنے کیلئے ہمارے سامنے ہمارے نبیؐ کا اسوہ اور ان کی سنت موجود ہے، اور پھر بعد میں لوگوں نے ان کو مزید سمجھنے اور ان کی تفصیلات پیش کرنے کی بھی متعدد کوششیں کی ہیں۔
یہاں اس رکوع میں ایام حیض میں مرد و زن کے تعلقات، روحانی و جسمانی پاکیزگی توبہ اور طہارت کی اہمیت، صالح انسانی معاشرہ میں نکاح کی ضرورت، اللہ کے نام کا بہانہ بنا کر صلاح و فلاح کے کاموں سے فرار کی حقیقت، ایلاء یعنی کسی کا قسم کھا کر یہ کہنا کہ وہ اپنی بیوی سے الگ رہے گا، کسی کا سچ مچ طلاق کا ارادہ کرنا اور پھر کسی عورت کا طلاق کے بعد دوسری شادی سے لگ بھگ تین ماہ تک رکے رہنے کی ضرورت پر وضاحت کے ساتھ روشنی ڈالی گئی ہے۔ بات سمجھنے اور ماننے والوں کیلئے اتنی بات کافی ہے، مزید تفصیلات کے طالب فقہ کی کتابیں دیکھ سکتے ہیں۔
اللہ تعالیٰ نے یہاں بیوی کیلئے کھیتی کی مثال بیان کی ہے۔ کھیتی کی قیمت، ضرورت اور اہمیت سے ہر کسان اچھی طرح واقف ہوتا ہے۔ وہ کسان کی ایسی قیمتی چیز ہوتی ہے جس کی حفاظت کیلئے وہ اپنی زندگی بھی داؤ پر لگادیتا ہے۔ کسان کی زندگی کا دارو مدار کھیتی پر ہی ہوتا ہے۔ وہ اس کا پوری طرح خیال رکھتا ہے۔ کب اس میں بیج ڈالنا ہے، کب ہل چلانا ہے، کب کھیتوں میں پانی ڈالنا ہے وہ کبھی اس سے غافل نہیں رہتا ہے۔ پھر جب اس میں اناج اگتا ہے تو وہ لگاتار اس کی نگرانی و نگہبانی کرتا ہے اور اس کو ہر سرد و گرم سے محفوظ رکھتا ہے۔ گویا کھیتی ہی اس کیلئے سب کچھ ہوتی ہے اور وہ دنیا کی ہر چیز سے زیادہ اس کا خیال رکھتا اور اس سے محبت کرتا ہے۔ ایک انسان کی زندگی میں ایسی ہی قیمتی شے اس کی بیوی ہوتی ہے اور اس کا خیال رکھنا، اسے ہر تکلیف سے محفوظ رکھنا اور اس کی تمام ضرورتوں کو خوشی خوشی پورا کرنا اس پر لازم ہوتا ہے۔جو لوگ اتنی سے بات نہیں سمجھتے اور اپنی بیوی کو روحانی و جسمانی اذیت دیتے ہیں ان کی زندگی جہنم بن کر رہ جاتی ہے۔ اللہ چاہتا ہے کہ انسان کو اس دنیا میں ہی جنت جیسی خوشیاں ملیں، اسے جہنم جیسی مصیبتوں اور تکلیفوں کا سامنا نہ کرنا پڑے۔٭
از: ڈاکٹر صباح اسماعیل ندوی علیگ
(1مارچ 2024 )

Noor-e-Quran 28 Chand Ahem Sawalat Ke Jawabat

 Woh tum se sawal karte hain hurmat wale mahine mein ladaai ke bare mein. Keh do, is mein ladaai karna bada gunah hai. Aur Allah ki raah se rokna aur us ke sath kufr karna aur Masjid e Haram se rokna aur us ke baashindon ko us se nikaal dena Allah ke nazdeek is se bhi bada gunah hai aur fitnah qatl se bhi ziyada badi burai hai. Aur woh log barabar tum se ladte rahenge yahan tak ke tum ko tumhare deen se pher dein agar un ka bas chale, aur tum mein se jo apne deen se phir jayega phir is haal mein mare ga ke woh kafir ho to yehi log hain jin ke aamal dunya aur aakhirat mein zaya ho gaye aur yehi log aag wale hain, woh is mein hamesha rahenge. (217) Beshak jo log iman laye aur jinhon ne hijrat ki aur Allah ki raah mein jihad kiya, wohi log Allah ki rehmat ki umeed rakhte hain aur Allah bakhshne wala, reham karne wala hai. (218) Woh tum se sawal karte hain sharab aur juye ke bare mein. Keh do ke in donon mein bada gunah hai aur logon ke liye kuch faide bhi hain, aur in donon ka gunah un ke faide se zyada bada hai. Aur woh tum se sawal karte hain ke kya kharch karein? Keh do ke jo zarurat se zyada ho. Isi tarah Allah tumhare liye aayaton ko saaf saaf bayan karta hai takey tum ghour o fikr karo. (219) Dunya aur aakhirat ke muamlaat mein. Aur woh tum se sawal karte hain yateemon ke bare mein. Keh do ke jis mein un ki bhalai ho woh behtar hai aur agar tum un ko apne sath mila lo to woh tumhare bhai hain aur Allah ko maloom hai ke kaun bigaar chahne wala hai aur kaun bhalai karne wala. Aur agar Allah chahta to tumhein mushaqqat mein daal deta, bilashuba Allah ghalba wala, hikmat wala hai. (220)

Aur mushrik auraton se nikah na karo yahan tak ke woh iman le aayen, aur momin kaneez behtar hai ek mushrik aurat se agarche woh tumhein bahut pasand aaye. Aur mushrik mardon se kisi ka nikah na karao yahan tak ke woh iman le aayen, aur momin ghulam behtar hai mushrik mard se agarche woh tumhein achchha lage. Yeh log aag ki taraf bulate hain aur Allah apne hukm se jannat o maghfirat ki taraf bulata hai, aur logon ke liye apni aayatein saaf saaf bayan karta hai takey woh naseehat qubool karein. (221)
Surah: Baqarah .... Ruku: 27 .... Aayat: 217- 221 .... Para: 2
Is ruku mein chaar ahem sawalat mazkoor hue hain, woh tum se sawal karte hain hurmat wale mahine mein ladaai ke bare mein. Woh tum se sawal karte hain sharab aur juye ke bare mein. Woh tum se sawal karte hain ke kya kharch karein? Woh tum se sawal karte hain yateemon ke bare mein. Phir Allah ne un ke jawabat bhi sarahat o wazahat ke sath diye hain, is ke ilawa yahan nikah ke talluq se bhi yeh waazeh kiya gaya hai ke musalman mard o aurat ko nikah ke waqt sab se pehle kya baat dhyan mein rakhni chahiye.
Qabil e ehtiraam mahinon ke talluq se kuch hidayatein pehle bhi aa chuki hain, yahan bataya gaya hai ke is mein ladaai karna mamooli baat nahi hai magar jo log musalmanon ke, Masjid e Haram ke aur mubarak shahar Makkah aur is ke rehne walon ke jaani dushman bane hue hain un ka jurm o gunah itna bada hai ke un ke khilaf kabhi bhi aur kahin bhi karwai ki ja sakti hai. Isi ke sath yeh bhi bataya gaya hai ke jo log irtidaad ke murtakib honge aur isi haal mein wafat pa jayenge woh dunya o aakhirat donon ka nuqsan karenge.
Sharab aur juye mein dher saare nuqsanat hain magar mushrikeen e Makkah ke ameeron ka ek mamool yeh tha ke woh qahat aur tangdasti ke zamanon mein aisi mehfilein jamate jis mein woh sharab peete aur juye khelte the, phir woh raqam jo woh is mein jeette the muhtajon mein taqseem kar dete the, yahan is ka bhi jawab aagaya ke is mein jo nafaa hai woh thoda hai magar is ka jo gunah hai woh bahut bada hai. Isi ke sath yeh bhi bata diya gaya ke zaroorat padne par zyada se zyada raqam barae imdad o taawun kharch karna chahiye magar apni zaroorat bhar samaan apne paas rakh lena chahiye takey madad karne wala khud doosron ke aage haath phailata na phire.
Yateemon ke talluq se bohat saari hidayatein hain. Un ki khair-khwahi bhi laazim hai aur un ka maal haraam tariqe se khane ki mumaniat bhi hai. Aise mein yahan wazeh kar diya gaya hai ke ba-waqt zarurat aur baraye islaah un ka maal apne maal ke sath milaya bhi ja sakta hai magar yaad rahe ke Allah ko sab maloom hai ke kaun gadbadi kar raha hai aur kaun bhalai kar raha hai. Aakhir mein nikah ke talluq se yeh saaf hukm hai ke musalmanon ko nikah sirf iman walon ke sath karna chahiye. Yeh ek ahem amal hai aur insani zindagi par is ke door-ras asraat murattab hote hain. Zindagi ki mamooli raahaton ke liye Aakhirat ki azeem nematon ki qurbani nahi di ja sakti hai.
By: Dr Noorus Sabah Ismail (Nadvi Alig)
(25 February 2024) 

چند اہم سوالات کے جوابات نورِ قرآن 28

 

وہ تم سے سوال کرتے ہیں حرمت والے مہینے میں لڑائی کے بارے میں۔ کہہ دو، اس میں لڑائی کرنا بڑا گناہ ہے۔ اور اللہ کی راہ سے روکنا اور اس کے ساتھ کفر کرنا اور مسجد حرام سے روکنا اور اس کے باشندوں کو اس سے نکال دینا اللہ کے نزدیک اس سے بھی بڑا گناہ ہے اور فتنہ قتل سے بھی زیادہ بڑی برائی ہے۔ اور وہ لوگ برابر تم سے لڑتے رہیں گے یہاں تک کہ تم کو تمہارے دین سے پھیر دیں اگر ان کا بس چلے، اور تم میں سے جو اپنے دین سے پھر جائے گا پھر اس حال میں مرے گا کہ وہ کافر ہو تو یہی لوگ ہیں جن کے اعمال دنیا اور آخرت میں ضائع ہو گئے اور یہی لوگ آگ والے ہیں، وہ اس میں ہمیشہ رہیں گے۔ (217) بے شک جو لوگ ایمان لائے اور جنہوں نے ہجرت کی اور اللہ کی راہ میں جہاد کیا، وہی لوگ اللہ کی رحمت کی امید رکھتے ہیں اور اللہ بخشنے والا، رحم کرنے والا ہے۔ (218) وہ تم سے سوال کرتے ہیں شراب اور جوئے کے بارے میں۔ کہہ دو کہ ان دونوں میں بڑا گناہ ہے اور لوگوں کے لیے کچھ فائدے بھی ہیں، اور ان دونوں کا گناہ ان کے فائدے سے زیادہ بڑا ہے۔ اور وہ تم سے سوال کرتے ہیں کہ کیا خرچ کریں؟ کہہ دو کہ جو ضرورت سے زیادہ ہو۔ اسی طرح اللہ تمہارے لئے آیتوں کو صاف صاف بیان کرتا ہے تاکہ تم غور و فکر کرو۔ (219) دنیا اور آخرت کے معاملات میں۔ اور وہ تم سے سوال کرتے ہیں یتیموں کے بارے میں۔ کہہ دو کہ جس میں ان کی بھلائی ہو وہ بہتر ہے اور اگر تم ان کو اپنے ساتھ ملا لو تو وہ تمہارے بھائی ہیں اور اللہ کو معلوم ہے کہ کون بگاڑ چاہنے والا ہے اور کون بھلائی کرنے والا۔ اور اگر اللہ چاہتا تو تمہیں مشقت میں ڈال دیتا، بلاشبہ اللہ غلبہ والا، حکمت والا ہے۔ (220) اور مشرک عورتوں سے نکاح نہ کرو یہاں تک کہ وہ ایمان لے آئیں، اور مومن کنیز بہتر ہے ایک مشرک عورت سے اگرچہ وہ تمہیں بہت پسند آئے۔ اور مشرک مردوں سے کسی کا نکاح نہ کراؤ یہاں تک کہ وہ ایمان لے آئیں، اور مومن غلام بہتر ہے مشرک مرد سے اگرچہ وہ تمہیں اچھا لگے۔ یہ لوگ آگ کی طرف بلاتے ہیں اور اللہ اپنے حکم سے جنت و مغفرت کی طرف بلاتا ہے، اور لوگوں کے لئے اپنی آیتیں صاف صاف بیان کرتا ہے تاکہ وہ نصیحت قبول کریں۔ (221)
سورہ : بقرہ .... رکوع: 27 .... آیت: 217- 221 .... پارہ: 2
اس رکوع میں چار اہم سوالات مذکور ہوئے ہیں، وہ تم سے سوال کرتے ہیں حرمت والے مہینے میں لڑائی کے بارے میں۔ وہ تم سے سوال کرتے ہیں شراب اور جوئے کے بارے میں۔ وہ تم سے سوال کرتے ہیں کہ کیا خرچ کریں ؟ وہ تم سے سوال کرتے ہیں یتیموں کے بارے میں۔ پھر اللہ نے ان کے جوابات بھی صراحت و وضاحت کے ساتھ دیے ہیں، اس کے علاوہ یہاں نکاح کے تعلق سے بھی یہ واضح کیا گیا ہے کہ مسلمان مرد و عورت کو نکاح کے وقت سب سے پہلے کیا بات دھیان میں رکھنی چاہئے۔
قابل احترام مہینوں کے تعلق سے کچھ ہدایتیں پہلے بھی آچکی ہیں، یہاں بتایا گیا ہے کہ اس میں لڑائی کرنا معمولی بات نہیں ہے مگر جو لوگ مسلمانوں کے، مسجد حرام کے اور مبارک شہر مکہ اور اس کے رہنے والوں کے جانی دشمن بنے ہوئے ہیں ان کا جرم و گناہ اتنا بڑا ہے کہ ان کے خلاف کبھی بھی اور کہیں بھی کارروائی کی جاسکتی ہے۔ اسی کے ساتھ یہ بھی بتایا گیا ہے کہ جو لوگ ارتداد کے مرتکب ہوں گے اور اسی حالت میں وفات پاجائیں گے وہ دنیا و آخرت دونوں کا نقصان کریں گے۔
شراب اور جوئے میں ڈھیر سارے نقصانات ہیں مگر مشرکین مکہ کے امیروں کا ایک معمول یہ تھا کہ وہ قحط اور تنگ دستی کے زمانوں میں ایسی محفلیں جماتے جس میں وہ شراب پیتے اور جوئے کھیلتے تھے، پھر وہ رقم جو وہ اس میں جیتتے تھے محتاجوں میں تقسیم کردیتے تھے، یہاں اس کا بھی جواب آگیا کہ اس میں جو نفع ہے وہ تھوڑا ہے مگر اس کا جو گناہ ہے وہ بہت بڑا ہے۔ اسی کے ساتھ یہ بھی بتادیا گیا کہ ضرورت پڑنے پر زیادہ سے زیادہ رقم بطور امداد و تعاون خرچ کرنا چاہئے مگر اپنی ضرورت بھر سامان اپنے پاس رکھ لینا چاہئے تاکہ مدد کرنے والا خود دوسروں کے آگے ہاتھ پھیلاتا نہ پھرے۔
یتیموں کے تعلق سے بہت ساری ہدایتیں ہیں۔ ان کی خیر خواہی بھی لازم ہے اور ان کا مال حرام طریقے سے کھانے کی ممانعت بھی ہے۔ ایسے میں یہاں واضح کردیا گیا ہے کہ بوقت ضرورت اور برائے اصلاح ان کا مال اپنے مال کے ساتھ ملایا بھی جاسکتا ہے مگر یاد رہے کہ اللہ کو سب معلوم ہے کہ کون گڑبڑی کررہا ہے اور کون بھلائی کررہا ہے۔ اخیر میں نکاح کے تعلق سے یہ صاف حکم ہے کہ مسلمانوں کو نکاح صرف ایمان والوں کے ساتھ کرنا چاہئے۔ یہ ایک اہم عمل ہے اور انسانی زندگی پر اس کے دوررس اثرات مرتب ہوتے ہیں۔ زندگی کی معمولی راحتوں کیلئے آخرت کی عظیم نعمتوں کی قربانی نہیں دی جاسکتی ہے۔ ٭
از: ڈاکٹر صباح اسماعیل ندوی علیگ
(23فروری 2024 )